დედა ღვთისმშობელმა ინება მონასტრის განახლება და მისი სიწმინდეებით ავსებაც. აბბა ალავერდელ მიტროპოლიტ დავითის ლოცვა-კურთხევით და ძალისხმევით 2002 წელს დაიწყო და 2005 წელს დასრულდა მონასტრის მფარველი ხატის – ხახულის ღვთისმშობლის ახალი ხატის დაწერა და შემკობა. ძველი წესის თანახმად, ის 40 დღის განმავლობაში პირიპირს მიყრდნობილი დაბრძანებული იყო ახალი შუამთის ხახულის ყოვლადწმიდა ღვთისმშობლის ძველ ხატთან, რომელიც საქართველოს ხელოვნების მუზეუმის საექსპოზიციო დარბაზშია დაბრძანებული. 2006 წლის 20 სექტემბერს (ძვ. სტ. 7 სექტემბერს) ღვთისმშობლის შობის წინადღესასწაულზე, ახალი ხატი მობრძანდა მის სახელზე დაარსებულ და განახლებულ ახალი შუამთის მონასტერში.
ისტორიული ხატის ზურგზე 44 წმინდა ნაწილია, რომელთა კუთვნილება, სამწუხაროდ, ვერ დგინდება. ახალი ხატი ზედმიწევნით იმეორებს დედანს და დღეს მის ზურგშიც 44 წმინდა ნაწილია დავანებული. მართალია, ხატის ზურგზე არ არის წარწერები, მაგრამ მონასტრის ახალი მატიანე ინახავს ამ სიწმინდეების ჩამონათვალს:
ცხოველსმყოფელი ჯვარი / გოლგოთის ქვა / მართალი იოაკიმე / წმინდა იოანე ნათლისმცემელი / წმინდა დიდმოწამე გიორგი / 6000 
გარეჯელი მოწამე / წმინდა დიდმოწამე ქეთევანი / სვეტიცხოვლის სამირონე ქვა / ღირსი სილუან პეჩერელი / წმინდა მოწამეები დავით და კონსტანტინე (მხეიძეები) / წმინდა პროკოპი და წმინდა ელეფთერიოსი / წმინდა მარტირი / წმინდა საბა განწმენდილის ლავრის მოწამეები / წმინდა ლუკა (პეჩერელი იკონომოსი) / წმინდა სპირიდონ ტრიმიფუნტელის შესამოსლის ნაწილი / ღირსი ლონგინოზ მეკარე (პეჩერელი) / ღირსი სერაფიმე საროველი / წმინდა ლუკა (ვოინო-იასენიცკი) / ღირსი იოსებ ისიხასტი (ათონელი) / 40 სებასტიელი მოწამე / წმინდა კოზმა / წმინდა დამიანე / წმინდა მოციქულთასწორი კონსტანტინე დიდი / წმინდა მოციქულთასწორი ელენე დედოფალი / წმინდა მოციქული ბარნაბა / წმინდა დიდმოწამე ბარბარე / წმინდა მარკოზ ეფესელი / წმინდა სვინკლიტიკია ალექსანდრიელი / წმინდა იოანე დამასკელი / წმინდა მაქსიმე ბერძენი / წმინდა კვიპრიანე კართაგენელი / წმინდა ანასტასია რომაელი / წმინდა ზაქარია / წმინდა ელისაბედი / წმინდა რომანოზ ტკბილადმგალობელი / წმინდა ლაზარე (ოთხდღე მკვდარი) / წმინდა ათანასე დიდი / წმინდა ნიკოლოზ მირონლუკიელი / წმინდა წინასწარმეტყველი ნაუმი / წმინდა წინასწარმეტყველი ელისე / წმინდა მოციქული ანდრია პირველწოდებული / წმინდა მოციქული პეტრე / წმინდა მოციქული პავლე / წმინდა მოციქული იაკობი, ძმა უფლისა